Papunësia në Britani – Bie në nivelin më të ulët që prej 1975-ës, rritja e pagave ngadalësohet
Norma e papunësisë në Britani ra në niveli më të ulët që prej vitit 1975 në Korrik, megjithatë, rritja e pagave pati një ngadalësim. Të dhënat ka gjasa të thellojnë ndarjet në bordin e Bankës së Anglisë mbi rritjen e normave të interesit.
Numri i personave të punësuar u rrit me 181 mijë njësi, në një rekord prej 32.136 milionë, që është rritja më e madhe që prej fundit të 2015-ës. Krijimi i shpejtë i vendeve të punës e çoi normën e papunësisë në 4.3%, nga 4.4% që pritej nga analistët.
Pagat patën një rritje me 2.1% gjatë muajit, nivel i njëjtë me muajin e kaluar. Ndërkohë që inflacioni ka shënuar 2.9% në muajin Gusht, pagat po dështojnë të mbajnë të njëjtin ritëm. Në terma realë, pagat ranë me 0.4% në Korrik.
Inflacioni është përshpejtuar ndjeshëm që kur paundi filloi të bie vitin e kaluar. Komisioni i Politikave Monetare me 9 anëtarë do të takohet më vonë gjatë ditës, ku do të diskutohet mbi rritjen e normës bazë të interesit. Muajin e kaluar, 2 anëtarë mbështetën nevojën e një rritje të normës së interesit. Rezultati i takimit do të publikohet ditën e Enjte.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.