Papunësia në Britani rritet në 5.1%. Do ishte shumë më e lartë pa skemën e mbrojtjes së vendeve të punës
Norma e papunësisë në Britani u rrit në 5.1% në tremujorin e fundit 2020, që është niveli më i lartë në 5 vite, por ende poshtë nivelit që do kishte qenë pa paketat e ndihmave të koronavirusit, që ministri i Financave Rishi Sunak, synon të zgjerojë javën e ardhshme. Të dhëna të tjera nga zyra e Statistikave, treguan se numri i punonjësve në listat e pagave të kompanive në Janar, u rrit me 83,000 nga Dhjetori, që është rritja e dytë mujroe dhe më e madhja që prej vitit 2015.
Norma e të papunëve, që është më e larta që prej tremujorit të parë 2016, ishte në linjë me projeksionet e analistëve. Papunësia është frenuar nga skema e ruajtjes së vendeve të punës e Qeverisë, ë po mbështet rreth 1 në 5 punëtorë. Programi është gjithashtu më i shtrenjti ndër masat e mbështetjes ekonomike ndaj Covid-19 në Britani, dhe pritet të arrijë 70 miliardë paund deri në datën e skadencës më 30 Prill. Banka e Anglisë ka bërë të ditur se norma e papunësisë do të rritet në rreth 8% në mes të vitit 2021, pasi të mbarojë skema e mbrojtjes së vendeve të punës. Sunak pritet të lajmëroi zgjatjen e kësaj skeme, të paktën për sektorët më të goditur nga karantina.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.