Paralajmërimi i autoriteteve: Brenda 10 ditësh, varianti ‘Delta’, dominues në Itali

“Varianti ‘Delta’ brenda 10 ditësh do të bëhet variant dominant, duke kaluar atë anglez, por nuk ka nevojë që të rikthehet detyrimi i mbajtjes së maskave në ambiente të hapura. Duhet tëforcohen kontrollet në rastet e grumbullimeve”.

Ka qenë kjo deklarata e zëvëndësministrit të Shëndetësisë në Itali, Pierpaolo Sileri,në një intervistë për ‘La Stampa’.  Në intervistë, ai shprehet se nuk përjashtohet mundësia që të bëhet ndonjë hap pas në lidhje me masat parandaluese.

Nga ana tjetër, ai thotë se duhet pasur parasysh numri i shtrimeve në spitale më shumë sesa numri i infektimeve. Kjo edhe për faktin se po preken më shumë të rinjtë, të cilët e kalojnë në formë të lehtë.

“Sot kemi 2 % të vendeve të terapisë intensive që kanë të zëna deh falë vaksinimeve, në vjeshtë nuk do të ndodhë ajo që ndodhi një vit më parë” është shprehur ai.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.