Paralajmërimi i Bashës: Deputetët që votojnë koncesionet e Milot-Balldren dhe Orikum-Llogara, pjesë e “Antimafias”

Kreu i Partisë Demokratike Lulzim Basha paralajmëroi deputetët se votimi për rrëizmin e dekreteve të kreut të shtetit për koncesionet e akseve rrugore Milot-Balldren dhe Orikum-Llogara, do t’i nënshtroehn ligjit “antimafia” . në daljen për mediat, kreu i PD-së tha se kjo është vjedhja më e madhe në histori dhe se kostot e projekteve janë fryrë për qëllim korrupsioni.

“Çdo anëtar i seancës që ngre dorën për të votuar këtë vjedhje me ligj, nesër do të jetë subjekt i Ligjit Antimafia. Sot po ju vëzhgojmë dhe mbajmë shënim emrat. Nesër do t’ju ndjekim këmba këmbës!  Çdo qindarkë, e juaja do të jetë nën lupën e Ligjit Antimafia dhe të SPAK-ut” tha Basha.

Më tej, Basha paralajmëroi se çdo kontratë koncensionare do të konsiderohet si vepër potencialisht kriminale dhe do t’i nënshtrohet  hetimit antimafia nga strukturat e posaçme shtetërore në bashkëpunim të ngushtë me SPAK, BKH dhe organeve ligjzbatuese partnere.

Në paralajmërimin e kreut të opozitës nuk munguan as  kompanitë që kanë fituar koncesionet dhe as bankat që i paralajmëroi se “çdo financim, kredi apo garanci bankare dhënë këtyre koncensioneve, do t’i bëjë ato automatikisht subjekte të ndjekjes anti-mafia”

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.