Paralajmërimi i CEO-s së EPC: Recensioni i ardhshëm i SHBA do të jetë shumë më i keq se ai i fundit
Recesioni i ardhshëm i Shteteve të Bashkuara të Amerikës do të jetë shumë më i keq se ai i fundit. Paralajmërimi ka ardhur nga CEO i ‘Euro Pacific Capital’, Peter Schiff, i cili tha se investitorët në vend të vetëkënaqen, duhet të kenë frikë nga një krizë tjetër financiare që do të godasë ekonominë e SHBA.
“Do të ketë një krizë tjetër financiare. Recensioni i ardhshëm do të jetë shumë më i keq sesa ai i fundit,” tha ai në një intervistë për FOX Bussines.
Investitorët janë të frikësuar nga ndikimi që mund të ketë lufta tregtare me Kinën mund të ketë në ekonominë e SHBA përpara takimit përfundimtar të Rezervës Federale.
FED pritet të rrisë normat e interesit të mërkurën. Pak ditë më parë presidenti Donald Trump, i bëri thirrje FED që të mos rrisë normën e interesit këtë muaj. Ndërkohë, Schiff, një kritik i vendosur, shtoi më tej se edhe nëse FED ul normën e interesit në zero, sërish kjo nuk do ta parandalojë recensionin e ardhshëm.
“FED e bëri këtë, ata e dënuan ekonominë dhe tani ne do të duhet të korrim atë që ata mbjellin”, u shpreh ai.
Norma federale e fondeve bazë të bankës qendrore ndikon normat e interesit në të gjithë ekonominë, duke përfshirë normën bazë, e cila përdoret nga bankat për të përcaktuar normat për kartat e kreditit dhe metodat e tjera të huamarrjes.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.