Paralajmërimi i ministrit Di Maio: Italia pranë një ‘boom’-i ekonomik të ngjashëm me atë të viteve ’60!

Edhe pse kundër rrymës nëse analizohen të dhënat që janë publikuar sëfundmi për ekonominë italiane, ministri i Zhvillimit Ekonomik Luigi Di Maio paralajmëron një “boom” ekonomik për vendin e tij, të ngjashëm me atë të viteve ’60.

“Një ‘boom’ i ri ekonomik mund të rilindë. Në vitet ’60 kishim autostradat, tashmë duhet të punojmë për krijimin e autostradave digjitale. Ajo që duam të realizojmë për Italinë kalon nga një vizion i 10 viteve të ardhshme. Italia duhet të jetë në ballë të kësaj faze transformimi, duke e bërë vendin tonë një ‘smart nation’” ka deklaruar ai.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.