Paralajmërimi i Shehut: Pse kryeministri Rama s’do bëhet dot ministër i Jashtëm! Ekonomi: Gjykata Kushtetuese, përgjigje përfundimtare
Deputeti i Partisë Demokratike, Tritan Shehu që më parë ka mbajtur edhe detyrën e ministrit të Jashtëm paralajmëron mundësinë që pas Gent Cakajt as kryeministri Edi Rama që është propozuar sëfunmi, nuk mund rë dekretohet për postin e Ministrit të Jashtëm.
I ftuar në emisionin“Argument” të Enio Civicit, Shehu tha se Kushtetuta shqiptare e ndalon mbajtjen e një detyre ministrore nga kryeministri. Duke sqaruar se ky gjykim është personal dhe se do të jenë konstitucionalistët e kreut të shtetit ata që do të japin gjykimin final, Shehu tha se në nenin 102 të Kushtetutës nuk përcaktohet mundësia që kryeministri të marrë këtë detyrë.
“Është antikushtetuese. Nuk do të bëhet dot diçka e tillë. Nuk e dekreton dot. Shikoni nenin 102 të Kushtetutës pika D ku thuhet për funksionet e kryeministrit. Kryeministri nuk mund të kryejë funksione të tjera. Ku thuhet se kryeministri mund të jetë edhe ministër? Presidenti do të këshillohet por nga sa kuptoj unë, nga sa unë kam eksperiencën në lidhje me Kushtetutën e Shqipërinë, nuk mundet dhe po e diskutojmë kot. Nuk mund të ndodhë sepse është antikushtetues. Di që nuk mundet që kryeministri në Shqipëri të jetë ministër. Pikë! Me Kushtetutën aktuale kjo nuk është e mundur” tha Shehu.
Ndërsa deputetja e Partisë Socialiste Milva Ekonomi evidentoi në këtë rast nuk kemi të bëjmë me antikushtetueshmëri po me një përplasje mes institucionesh. Ekonomi tha se do të jetë Gjykata Kushtetuese që do të formohet së shpejti që do të japë përgjigjen përfundimtare.
“Në këtë rast kemi përplasje mes dy institucvioneve dhe nuk është më një çështje që e zgjidhin dot kështu. Duhet ‘ti drejtohemi Gjykatës Kushtetuese dhe derisa të zgjidhet, Shqipëria ka nevojë të avancojë me axhendën e politikës së jashtme ndaj edhe në këtë rast kryeministri ka marrë detyrën. Zgjidhjet janë brenda Kushtetutës, edhe për këtë shqetësim. Por ky nuk është shqetësim kushtetues por mosmarrëveshje me dy institucioneve. Gjykata Kushtetuese do të jetë shpejt për ta gjykuar këtë gjë” tha Ekonomi.
Ndërsa deputeti i LSI-së Endrit Brahimllari tha se kreu i shtetit ka vepruar në respect të Kushtetutës me dekretin e parë ku rrëzoi kandidatin për ministër të Jashtëm, ashtu sikurse edhe do të veprohet me propozimin tjetër; atë të kryeministrit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.