Paralajmërimi/”Pas Konferencës së Donatorëve me 17 shkurt, do të ndërmerren veprime kurajoze në aspektin financiar, pa prekur investimet”
Pas Konferencës së Donatorëve me 17 shkurt në Bruksel, Shqipëria mund të marrë masa të tjera për të financuar projektin e rindërtimit të vendit pas tërmetit të nëntorit të vitit të kaluar. Kjo u paralajmërua nga kryeministri në një videomesazh pas takimeve që zhvilloi në Itali.
Kryeministri shqiptar tha se do të bëhet çdo lëvizje e nevojshme që Konferenca e Donatorëve të jetë e suksesshme. Megjithatë, ai paralajmëroi se rruga për sigurimin e fondeve të nevojshme nuk ndalet këtu pasi pas konferencës do të ndërmerren edhe “veprime kurajoze në aspektin financiar”.
Kryeministri tha se do të kombinohen disa skema financimi, pa ndërprerë apo reduktuar programet e invetsimeve,zhvillimin e mbrojtjes sociale.
“Ne do të bëjmë çmos, edhe me ndihmën e miqve të mëdhenj të Shqipërisë, ku Italia është pa asnjë dyshim ndër më të afërtit, që Konferenca e Donatorëve të jetë një sukses. Ndërkohë që e kemi shumë të qartë që për të përmbushur të gjithë nevojën e jashtëzakonshme, nuk do të mjaftojë, por jemi të mirëpërgatitur, për të vijuar pas Konferencës edhe disa me veprime të tjera kurajoze në aspektin financiar, duke përfituar nga qëndrueshmëria e lartë makroekonomike që kemi garantuar në këto vite reformash, si edhe duke kombinuar disa skema financimi për Rindërtimin, gjithnjë pa ndërprerë, sepse kjo është ambicia dhe pa reduktuar programe të tjera të investimeve, zhvillimit e të mbrojtjes sociale gjithashtu” tha kryeministri.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.