Paralajmërimi i veteranit të Wall Street – Vlera e Bitcoin mund të bie deri në 90%

Veterani i Wall Street-it, Petet Bookckvar, tha se tregu i kriptovalutave mund të goditet nga një ‘pwrplasje epike.’ Duke bërë fakt të kryer rënien e vlerës së tyre, ai nuk tha me siguri nëse ajo do të jetë e shpejtë apo e ngadaltë.

“Kur diçka shkon në mënyrë parabole, ajo zakonisht përfundon aty ku fillon parabola”, u shpreh ai për CNBC.

Sipas tij, Bitcoin është në një rrezik rënie prej 90 për qind nga niveli aktual. Ai e ka cilësuar atë një flluskë klasike.

“Nuk do të habitem nëse gjatë vitit të ardhshëm do të shkojë deri në 1 000 deri në 3000 dollarë”, shtoi ai.

Vlera e monedhës më të madhe digjitale të premten u regjistrua mbi 11 mijë dollarë. Parashikimi i Boockvar për rënien e Bitcoin vjen në të njëjtën kohë kur normat e interesit po rriten në të gjithë globin. Ai fajëson bankat qendrore, duke përfshirë edhe Rezervën Federale, për manipulimin e kriptomonedhave për shkak të politikave të tyre që u projektuan për të lehtësuar efektet e krizës financiare globale.

Sipas tij, qëndrimet e investitorëve ndaj aseteve të rrezikuara duhet të ndryshojë.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.