Paralajmëron ministrja e re e Financave, Denaj: Do të thelloj luftën e nisur kundër informalitetit

Ministrja e re e Financave dhe Ekonomisë, Anila Denaj, ka paralajmëruar se do të thellojë luftën e nisur kundër informalitetit. Gjatë daljes së saj të parë për mediat, Denaj është shprehur gjithashtu se do të përmirësojë më tej gjithashtu edhe marrëdhëniet me biznesin.

Ndërkohë, në marrjen e detyrës së re, Denaj ka përgëzuar ish ministrin e Financave, Arben Ahmetaj, për punën e bërë gjatë gjithë periudhës që ka drejtuar këtë ministri.

“Unë jam shumë e nderuar që më jepet kjo mundësi për të drejtuar një dikaster shumë të rëndësishëm. Besoj që e marrë parasysh nga unë dhe e kryer sa herë të jetë e nevojshme për ekuilibrat e mund të mbahen në kontroll vetëm nëpërmjet një formati dhe një balance ligjore. Të thelloj luftën e nisur kundër informalitetit dhe të përmirësoj më tej marrëdhënien time me sipërmarrjen.”

Denaj u betua ditën e sotme para Presidentit, Ilir Meta, së bahsku me ministrat e tjerë të rinj të kabinetit qeveritar dhe zëvendëskryeministrin e ri, Erion Braçe.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.