Paralajmëron Soros – Sheh formimin e një krizë financiare, BE ndodhet në krizë
Fuqizimi i valutës amerikane dhe dalja e kapitalit nga tregjet në zhvillim, mund të sjellë një tjetër krizë të madhe financiare, paralajmëroi George Soros. Ai shtoi se Bashkimi Europian po përballet me një krizë të ekzistencës.
Përfundimi i paktit bërthamor me Iranin dhe shkatërrimi i aleancës transatlantike mes BE dhe SHBA, pritet të kenë efekt negativ ndaj ekonomisë europiane dhe të shkaktojnë trazira të tjera, përfshirë zhvlerësimin e valutave të tregjeve në zhvillim, sipas tij.
“Mund të përballemi me një tjetër krizë të madhe financiare”, tha Soros. Paralajmërimi i ashpër nga manaxhuesi i portofolit vjen ndërkohë që interesat e borxhit italian kanë prekur nivele të larat shumëvjeçare dhe ekonomi të mëdha në zhvillim si Turqia dhe Argjentina po hasin vështirësi me valutat e tyre.
Soros tha se çdo gjë negative që pritej në Bashkimin Europian ka ndodhur, duke përmendur krizën e refugjatëve, masat shtrënguese që sollën ngritjen e partive populiste si dhe shpërbërja territoriale e përfaqësuar nga Brexit.
“Mund të thuhet se Europa ndodhet në një krizë ekzistenciale”, tha Soros. Ai propozoi transformime për Bashkimin Europian, si braktisjen e një klauzole që detyron vendet anëtare për t’u anëtarësuar në valutën e përbashkët.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.