Parashikimi i motit për fundjavën/ SHMU: Vranësira dhe intervale të shkurtra me diell
Shërbimi meteorologjik Ushtarak njofton se dita e shtunë parashikohet të ketë mot kryesisht të vranët e intervale të shkurtra me diell ndërsa do të ketë reshje shiu me intensitet të ulët në zonat malore dhe në jug të vendit.
Sipas SHMU në verilindje dhe juglindje në lartësinë mbi 1000 metra reshje të herë pas hershme në formën e dëborës me intensitet të ulët, të cilat do të mbeten prezente deri në orët e mëngjesit të ditës së diel.
Ndërkaq gjatë ditës, të dielën do të kemi mot kryesisht të kthjellët por të ftohtë dhe mjegulla e dendur do të jetë prezente në orët e para të mëngjesit përgjatë luginave, njofton SHMU.
“Era do të jetë nga kuadrati i veriut me shpejtësi mesatare 1-6m/sek, e cila hera-herës në veriperëndim dhe përgjatë zonave luginore në veri ( kryesisht në qarqet Shkodër, Kukës, Lezhë) erë e vrullshme 15-20m/sek.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.