Parashikimi i motit/ SHMU: Kthjellime dhe alternime vranësirash kalimtare në të gjithë vendin
Shërbimi Meteorologjik ushtarak njofton se për ditën e Mërkurë vendi ynë parashikohet të ketë mot kryesisht të kthjellët por edhe alternime vranësirash kalimtare më të theksuara në zonën e veriut dhe atë të qendrës.
Sipas njoftimit vranësirat në veri dhe qendër do të shoqërohen me reshje shiu të dobëta dhe lokale. Nga orët e mesditës deri ato të pasdites përreth relieveve malore reshjet me intensitet deri mesatar në formën e shtrëngatave afatshkurtër.
SHMU bën me dije se era do të fryjë me drejtim juglindje – jugperëndim e lehtë dhe përgjatë zonave luginore dhe përgjatë vijës bregdetare deri mesatare duke u pasuar nga valëzim i forcës 1-2 ballë.
Temperaturat parashikohen në:
- zonat malore 5°C deri në 23°C
- zonat e ulëta 8°C deri në 27°C
- zonat bregdetare 9°C deri në 26°C.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.