Parashikimi i motit/ SHMU: Kushte të alternuara atmosferike, diell dhe shtrëngata shiu në të gjithë vendin
Shërbimi Meteorologjik Ushtarak njofton se për ditën e Mërkurë mbi vendin tonë do të vijojnë të jenë në qarkullim masat ajrore të paqëndrueshme dhe të lagështa ndërsa moti parashikohet me kthjellime si dhe vranësira në zhvillim të cilat do të bëhen më tepër prezente nga orët e mesditës deri ato të pasdites.
Sipas njoftimit reshjet e shiut me intensitet të ulët do të përfshijnë kryesisht jugun, një pjesë të qendrës dhe të gjitha zonat malore në lindje dhe përkohësisht do të marrin karakter shtrëngatash me rrebeshe shiu e breshëri lokale.
SHMU bën me dije se era do të fryjë me drejtim verilindje – veriperëndim 1-8m/s e përkohësisht në bregdet e gjatë shtrëngatave deri në 12m/sek. Valëzimi në dete i forcës 1 deri në 2 ballë.
Temperaturat parashikohen në:
- zonat malore 12°C deri në 26°C
- zonat e ulëta 12°C deri në 33°C
- zonat bregdetare 16°C deri në 30°C.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.