Parashikimi i motit/ SHMU: Masa ajrore të ftohta, temperatura të ulëta dhe reshje dëbore

Shërbimi Meteorologjik Ushtarak ka publikuar parashikimin e motit për ditët në vazhdim sipas së cilit vendi ynë është nën ndikimin e masave ajrore të ftohta, të cilat do të mbeten prezente edhe në ditët në vijim duke sjellë temperatura të ulëta dhe reshje bore;

Sipas SHMU dita e shtunë do të ketë mot me alternime kthjellimesh dhe vranësira të cilat në zonat malore do të pasohen nga reshje bore, në juglindje reshjet e borë parashikohen të kenë intensitet deri mesatar ndërsa dita e diel do të ketë mot kryesisht të kthjellët e vranësira kalimtare si dhe reshjet e borës do të jenë me intensitet të ulët të karakterit lokal vetëm në zonat malore në veri të vendit.

Sipas njoftimit dita e hënë do të ketë mot të kthjellët por shumë të ftohtë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.