Parashikimi i motit/ SHMU: Ndryshim i kushteve klimatike në fundjavë

Shërbimi Meteorologjik Ushtarak ka bërë me dije se dita e mërkurë parashikohet të ketë mot kryesisht të kthjellët, vranësira të pakta kalimtare përgjatë relieveve malore në orët e mesditës.

Sipas njoftimit era nga kuadrati i veriut me shpejtësi 1-10m/sek. Deti i forcës 1-2 ballë ndërsa temperaturat parashikohen në:

• zonat malore 0°C deri në 13°C
• zonat e ulëta 2°C deri në 21°C
• zonat bregdetare 5°C deri në 20°C.

Ndërkaq sipas SHMU kushtet klimatike do të pësojnë një ndryshim drastik përgjatë fundjavës duke filluar konkretisht nga dita e premte me disa vranësira kalimtare.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.