Parashikimi i motit/ Si do ndryshojë koha pas mesditës së nesërme?!
Moti me diell që po na shoqëron gjatë ditës së sotme do të vazhdojë edhe në mëngjesin e së mërkurës. Më tej, vranësirat do të pësojnë shtim deri dhe të dendura duke nisur nga orët e mesditës, bën me dije Shërbimi Meteorologjik Shqiptar.
“Prej orëve të pasdites, reshjet e shiut në intensitet të ulët do të prekin pjesën bregdetare. Në mbrëmje, reshjet me intensitet të ulët do të përfshijnë pjesën më të madhe të territorit, ndërsa në bregdet do të marrin karakter shtrëngatash,” njofton SHMSH.
Sipas Shërbimit Meteorologjik temperaturat parashikohen të jenë në zonat malore 0ºC deri në 12ºC, në zonat e ulëta 2ºC deri në 18ºC dhe në zonat bregdetare 3ºC deri në 17ºC.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.