‘Paratë e pista’: Bankat më të mëdha në botë nuk po arrijnë të ndalojnë pastrimin e parave në shkallë të gjerë

Shuma masive të parave të supozuara të ‘pista’ kanë rrjedhur për vite me radhë nëpër disa nga institucionet më të mëdha bankare në botë, sipas një hetimi ndërkombëtar të gazetarisë i botuar të Dielën, i cili denoncoi mangësitë në rregulloret e sektorit.

“Fitimet nga luftërat vdekjeprurëse të drogës, pasuritë e përvetësuara nga vendet në zhvillim dhe kursimet e fituara me vështirësi të vjedhura në një skemë Ponzi u lejuan të gjitha të rrjedhin brenda dhe jashtë këtyre institucioneve financiare, pavarësisht paralajmërimeve nga vetë punonjësit e bankave”, sipas hetimit nga Buzzfeed News dhe Konsorciumit Ndërkombëtar i Gazetarëve Hetues (ICIJ).

Hetimi, i cili u drejtua nga 108 media ndërkombëtare nga 88 vende të ndryshme, bazohet në mijëra raporte të dyshimta të aktiviteteve (SAR) të paraqitura në agjencinë e zbatimit të ligjit financiar të Departamentit të Thesarit të SHBA, FinCEN, nga bankat nga e gjithë bota.

“Këto dokumente, të përpiluara nga bankat, të ndara me qeverinë, por të ruajtura nga sytë e publikut, ekspozojnë dëmtimin e masave mbrojtëse bankare dhe lehtësinë me të cilën kriminelët i kanë shfrytëzuar ato,” shkruan outlet-i i SHBA Buzzfeed News, në hyrje të raportit të saj.

Dokumentet kanë të bëjnë me 2 trilion dollarë në transaksione që qarkulluan midis 1999 dhe 2017.

Hetimi tregon në veçanti për pesë banka të mëdha – JPMorgan Chase, HSBC, Standard Chartered, Deutsche Bank dhe Bank of New York Mellon – të akuzuar për vazhdimin e lëvizjes së aseteve të kriminelëve të dyshuar, edhe pasi u ndoqën penalisht ose u dënuan për sjellje të keqe financiare.

“Rrjetet përmes të cilave para të pista përshkojnë botën janë bërë arterie jetike të ekonomisë globale,” raportoi Buzzfeed News.

Në një deklaratë, Deutsche Bank tha se zbulimet e ICIJ ishin “të njohura” nga rregullatorët e saj. Banka tha gjithashtu se “i kishte kushtuar burime të konsiderueshme forcimit të kontrolleve tona”, si dhe u përqendrua në “përmbushjen e përgjegjësive dhe detyrimeve tona”.

Hetimi theksoi gjithashtu mungesën e fuqisë së autoriteteve amerikane në rregullimin e transaksioneve të ‘pista’ financiare.

Në një deklaratë të lëshuar para botimit të hetimit, FinCEN tha se “zbulimi i paautorizuar i SAR-ve është një krim që mund të ndikojë në sigurinë kombëtare të Shteteve të Bashkuara”.(EN)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.