Parisi hap muzeun e ri/ I dedikohet 75-vjetorit të çlirimit të kryeqytetit nga nazistët
Kryeqyteti francez ka hapur dyert e një muzeu të ri, dedikuar çlirimit nga zgjedha naziste në luftën e dytë botërore. Muzeu i çlirimit të Parisit hapet për publikun këtë të Dielë, më 25 Gusht, ditën që shënjon 75-vjetorin e mposhtjes së nazistëve dhe largimin e tyre nga kryeqyteti francez.
Muzeu në fjalë i dedikohet liderëve të rezistencës, Jean Moulin dhe Philippe de Hautecloque, i njohur ndryshe si Gjenerali Leclerc. Në të ekspozohen objekte të ndryshme nga koha në fjalë, si dhe pajisje ushtarake apo dokumenta të ndryshëm që i referohen luftëtarëve të rezistencës franceze.
Janë rreth 7000 objekte të ekspozuara. Objekti kryesor i muzeut është bunkeri i Kolonelit Henri Rol-Tanguy, një prej liderëve kryesorë të rezistencës. Bunkeri u përdor nga koloneli dhe ekipi i tij si mburojë nga bombat, pasi u ndërtua fillimisht në 1944.
Nënkryetari i Bashkisë së Parisit, përgjegjës për kulturën, Christophe Batarde u shpreh se, shpreson shumë që ky muze të vazhdojë të frymëzojë njerëzit të luftojnë për demokraci. Çlirimi i Parisit ndërkohë zgjati 6 ditë, mes 19 dhe 15 gushtit, të vitit 1944.
Roel Korkuti/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.