Parisi i “rikthehet” parizienëve – Temperatura të larta dhe pa turistë, kryeqyteti francez si kurrë më parë

Parizienët po shijojnë qytetin e tyre si kurrë më parë. Vendi është duke lehtësuar ndjeshëm masat e karantinës. Koha dhe temperaturat mbi 43 gradë celcius, por sidomos mungesa e turistëve, bën që parizienët ta shijojnë kryeqytetin francez si mos më mirë dhe me një qetësi maksimale. Parqet për një piknik apo bordurat buzë lumit Senë të mbushura me banorët vendas është tashmë një panoramë krejt normale nga Parisi, i cili në kohë normale do të ishte i “pushtuar” nga turistët.

Në Francë, rihapja po bëhet gradualisht, me restorantet, kinematë dhe muzetë të cilët po hapen me ngadalë. Edhe muzeu i Luvrit po bëhet gati për t`u rihapur. Gjithsesi, turistët ndërkombëtarë nuk janë rikthyer ende, me fluturimet e kufizuara. Pavarësisht hapjes së madhe të Bashkimit Europian më 1 korrik, qyteti pret shumë më pak turistë se normalisht.

Roel Korkuti / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.