Pas mutacionit të krijuar Pfizer dhe Moderna nisin testimin e vaksinave të tyre kundër variantit të koronavirusit në Mbretërinë e Bashkuar
Pfizer dhe Moderna po testojnë vaksinat e tyre të koronavirusit për të parë nëse ato funksionojnë kundër versionit të ri të virusit që ka kaluar mutacion dhe që është gjetur kohët e fundit në Mbretërinë e Bashkuar dhe vendet e tjera, sipas deklaratave të kompanisë.
“Bazuar në të dhënat e deritanishme, ne presim që imuniteti i shkaktuar nga vaksina Moderna të jetë mbrojtës ndaj varianteve të përshkruara kohët e fundit në MB; ne do të kryejmë teste shtesë në javët e ardhshme për të konfirmuar këtë pritje,” ka thënë Moderna në një deklaratë.
Pfizer tha se tani po “gjeneron të dhëna” se sa mirë mostrat e gjakut nga njerëzit e imunizuar me vaksinën e saj “mund të jenë në gjendje të neutralizojnë llojin e ri nga Britania e Madhe”.
Koronavirusi i ri ka kaluar mutacione të tjera edhe më parë, dhe të dy kompanitë thonë se kanë zbuluar se vaksinat e tyre funksiononin kundër variacioneve të tjera të virusit.
Deklaratat nga të dy kompanitë pasqyrojnë shqetësimin global në rritje për një variant të ri të koronavirusit që është përhapur me shpejtësi në Mbretërinë e Bashkuar.
Ekspertët nuk janë të sigurt për rëndësinë e këtij mutacioni, megjithatë një numër vendesh, përfshirë Kanadanë, kanë vendosur kufizime për udhëtarët nga MB.
Shtetet e Bashkuara nuk e kanë bërë këtë, por Shtëpia e Bardhë po konsideron t’u kërkojë udhëtarëve nga MB të paraqesin prova të një testi negativ të koronavirusit përpara se të mbërrijnë në SHBA, thanë dy zyrtarë të administratës CNN.
Gjenerali kirurg i SHBA Jerome Adams tha se varianti në Mbretërinë e Bashkuar “nuk ndryshon atë që duhet të bëjmë” në lidhje me qëndrimin e mbrojtur.
“Ajo që është e rëndësishme që njerëzit të kuptojnë pasi kjo nuk ndryshon atë që duhet të bëjmë”, tha ai. “Ne duhet të mbajmë maska, të lajmë duart, të shikojmë distancat tona, dhe ne duhet të marrim vaksina, të vaksinohemi kur ato të bëhen të disponueshme për ne.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.