Pas refuzimi të BE për rinegociim, kryeministrja britanike kalon në kërcënime! Dhe rikthehet ideja e referendumit të dytë për BREXIT

Pas shtrirjes së dorës për të rinegociuar për marrëveshjen e BREXIT me Brukselin e refuzimit nga ana e zyrtarëve europianë, kryeministrja britanike Theresay May ka ndryshuar taktikë. Tashmë ajo ka zgjedhur rrugën e përballjes e kërcënimeve. Kryeministrja britanike ka thënë se është gati që të “hedhë në erë” tekstin e faqes 585 të marrëveshjes për të cilin u dëshën 18 muaj negociata, nëse Bashkimi Europian nuk do të ulet për të rinegociuar. Dhe për të arritur këtë, tashmë ajo e ka të lehtë; mjafton vota e parlamentit dhe mazhoranca e saj është e gatshme që ta rrëzojë atë.

Në fakt, këtë lëvizje May e ka të lehtë ta ndërmarrë pasi fitoi mocionin e besimit pak ditë më parë. Rrëzimi i kësaj marrëveshje nuk mund të prodhojë më një mocion tjetër, çka nënkupton se posti i saj si kryeministre është i parrezikuar në këtë aspekt pasi nuk mund të ketë një mocion të dytë.

Në fakt, shumë ministra të qeverisë së May e konsiderojnë marrëveshjen të groposur dhe diskutojnë opsionet e tjera që janë në tavolinë. E një ndër opsionet më të diskutuara sëfundmi është edhe një referendum i dytë për daljen e Britanisë nga Bashkimi Europian.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.