Pas rikthimit në normalitet Kina regjistron 42 raste të reja dhe një humbje jete në Wuhan nga Covid-19

Pas nisjes së lëvizjes në Kinë kanë filluar edhe regjistrimi i rasteve të reja me Covid-19. Sipas autoriteteve në Kinë janë shënuar 42 raste të reja me koronavirus, ku 38 prej tyre janë të importuara dhe vetëm 4 janë nga brenda Kinës.

Ndërkohë është shënuar edhe një person i vdekur në Wuhan, të provincës Hubei aty ku është edhe epiqendra e virusit. Në Kinë numri total i rasteve me koronavirus ka shkuar në 81 907 raste, ndërsa numri i viktimave ka shkuar në 3 336 të vdekur.

Banorët e Wuhan të konsideruar si të shëndetshëm mund të lëvizin nëpër qytet dhe të marrin autobusin ose metronë për aq kohë sa ata tregojnë ID, thanë zyrtarët.

Ata gjithashtu mund të kthehen në punë nëse kanë një leje nga punëdhënësi i tyre, dhe të largohen nga qyteti për pjesë të tjera të provincës Hubei përreth, pasi të testohen për virusin dhe të marrin një çertifikatë shëndetësore.

Virusi, i cili u shfaq në një treg që shiti kafshë të egra në dhjetor, ndezi një bllokim dramatik të qytetit në 23 janar që më pas u zgjerua në pjesën tjetër të krahinës së afro 60 milion njerëzve.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.