Pas vendimit të gjykatës, kryeministri britanik pranon më në fund lidhjen jashtëmartesore dhe numrin real të fëmijëve
Boris Johnson më në fund ka pranuar se ka gjashtë fëmijë, një pyetje që ai e kishte shmangur më parë në intervista të shumta dhe konferenca shtypi.
Kryeministri britanik, duke folur për emisionin “NBC Today”, u pyet nga një gazetar nëse kishte gjashtë fëmijë dhe u përgjigj “po”.
Numri i fëmijëve të Johnson ka qenë një pikë diskutimi në politikën britanike për shumë vite, pasi një gjykatë angleze lëshoi një urdhër që ndalonte mediat të raportonin ekzistencën e një vajze, si rezultat i një lidhjeje jashtëmartesore.
Johnson ka katër fëmijë me ish-gruan e tij Marina Wheeler, një vajzë nga lidhja jashtëmartesore dhe një djalë me gruan e tij Carrie Johnson, me të cilën u martua në fillim të këtij viti.
Është e paqartë arsyeja pse Johnson ka vendosur ta pranojë ekzistencën e vajzës në këto momente.
Burimi origjinal: CNN
Përshtati në shqip: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.