Pasagjerët që udhëtojnë për në Mbretërinë e Bashkuar – AAC: Nga dita e Premte nisin rregullat e reja
Autoriteti i Aviacionit Civil shqiptar ka bërë me dije se nga ora 04:00 e Premte, 15 Janar 2021, udhëtarët që udhëtojnë në Mbretërinë e Bashkuar duhet të kenë një rezultat të vlefshëm të testit negativ COVID-19, të marrë jo më shumë se tre ditë para orës së planifikuar të nisjes.
“Kjo do të kontrollohet në aeroportet e nisjes dhe pasagjerët pa certifikatë prove, ose një rezultat pozitiv të provës, ose një certifikatë e pavlefshme do t’u refuzohet udhëtimi,” shkruhet në njoftim.
Sipas AAC një rezultat i vlefshëm i provës duhet të jetë nga një provë PCR ose një provë tjetër shumë e besueshme për zbulimin e COVID-19 dhe duhet të tregojë se testi është marrë brenda tre ditësh nga fillimi i fluturimit ndërsa udhëtarëve me teste të vlefshme negative do t’ju kërkohet gjithashtu të karantinohen për dhjetë ditë pas mbërritjes në Mbretërinë e Bashkuar.
Sipas njoftimit fëmijët nën moshën 11 vjeç janë të përjashtuar nga kërkesa dhe nuk u kërkohet të përfundojnë testimin para nisjes ndërsa certifikata e testit do të jetë në dispozicion në Anglisht, Frëngjisht dhe Spanjisht dhe se dëshmia e saj mund të bëhet përmes kopjimit ose mjeteve dixhitale.
Deklarata e Ministrave e plotë është në këtë lidhje:
https://questions-statements.parlament.uk/…/202…/hcws696
Këto masa do të jenë në fuqi deri në një njoftim tjetër nga Qeveria e Mbretërisë së Bashkuar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.