Pasoja e parë e Brexit / Shtetasve britanikë u ndalohet hyrja në Holandë

Më shumë se një duzinë shtetas të Mbretërisë së Bashkuar u është refuzuar hyrja në Hollandë që nga 1 Janari sepse Britania nuk është më e përjashtuar nga kufizimet e lidhura me Covid mbi udhëtimet jo-thelbësore nga jashtë BE që kur u largua nga blloku.

Një zëdhënës i forcës kufitare hollandeze konfirmoi të hënën se deri në 13 shtetas britanikë ishin kthyer në aeroportin e Amsterdamit Schiphol që nga e premtja sepse udhëtimet e tyre nuk ishin të nevojshme dhe rregulloret e koronavirusit tani zbatohen për to sikurse të ishin nga vendet të treta.

Lajmi erdhi pasi shtetasve britanikë që jetojnë në Spanjë u ndaluan të hipnin në fluturime në Mbretërinë e Bashkuar sepse linja ajrore tha se letrat e tyre të qëndrimit para Brexit janë të pavlefshme, ndërsa të tjerëve iu refuzua hyrja në Gjermani.

Vetëm një pjesë e vogël e vendeve me norma të ulëta të koronavirusit përjashtohen nga rregullat e BE-së që ndalojnë vizitorë jo-thelbësorë jashtë bllokut dhe Zonës Ekonomike Evropiane. MB u hoq nga lista në fund të periudhës së tranzicionit Brexit.

D.B – SCAN
Burimi: The Guardian

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.