Pasojat e Covid-19 në Zvicër: “Ekonomia pritet të bjerë me 6.2%, kriza më e keqe që prej 1975”

Ekonomia e Zvicrës do të tkurret me 6.2% në vitin 2020, sipas projeksioneve të Qeverisë, ç’ka përbën rënien më të keqe në mbi 40 vite, ndërkohë që vendi përballet me pasojat e pandemisë. Një rimëkëmbje graduale pritet të ndodhë në gjysmën e dytë të vitit, nëse nuk rikthehet virusi dhe masat e karantinës.

Kjo përmbysje do të jetë më e keqja që prej vitit 1975,  ku Zvicra u godit nga pasojat e rritjes së çMimeve të naftës.  Pika më e ulët pritet të vijë në tremujorin e dytë, ku aktiviteti ekonomik është ndikuar për periudhën më të gjatë nga masat e karantinës. Në javët e fundit, Zvicra ka lejuar dyqanet dhe restorantet që të rihapen, ndërsa në nisje të kësaj jave, rihapi kufijtë, ndërkohë që aktiviteti rikthehet në normalitet.

Sekretariati shtetëror për Çështjet Ekonomike (SECO), projekton një rimëkëmbje në vitin 2021, me një normë të rritjes prej 5.3% .  Kjo është bazuar në supozimin se nuk do të duhet një tjetër raund i karantinës.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.