Pasojat e tërmetit/ Komisioneri i BE për Manaxhimin e Krizave, Janez Lenarčič sot në Shqipëri
Komisioneri i Bashkimit Europian për Manaxhimin e Krizave, Janez Lenarčič ndodhet në Shqipëri për të analizuar nga afër pasojat e tërmetit të 26 nëntorit. Referuar njoftimit zyrtar Lenarčič do të vizitojë kampin e Vorës ku edhe do t’u përgjigjet pyetjeve të gazetarëve.
Vendet e Bashkimit Europian janë angazhuar menjëherë në ndihmë të Shqipërisë me ndihma material dhe ekspertë. Ndërkohë, Komisioni Evropian, organi më i lartë ekzekutiv i Bashkimit Evropian, ka deklaruar kontributin financiar që do të dërgojë drejt Shqipërisë pas tërmetit shkatërrues të 26 nëntorit.
Në një deklaratë zyrtare, presidentja më e re e komisionit Ursula Von der Leyen është shprehur se që prej momenteve të para BE-ja ka mobilizuar stafin e saj teknik duke e dërguar drejt Shqipërisë 200 ekspertë dhe se do të alokojë 15 milionë euro në mbështetje të vendit tonë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.