Pastrim parash, bum dosjesh nga jashtë – Interpol ka kërkuar ndjekjen e 247 praktikave, 140 kërkesa për informacion nga Europol

Rreth 300 raste hetimesh për pastrim parash kanë ardhur gjatë pjesës së parë të vitit 2020 nga agjencitë e specializuara ndërkombëtare. Scan Televizion ka zbardhur raportin zyrtar të Ministrisë së Drejtësisë mbi bashkëpunimin e organeve ligj zbatuese shqiptare me Agjenci si INTERPOL apo EUROPOL.

Raporti zbardh se për 6 muajt e parë të këtij viti janë proceduar 130 praktika të Interpoli nga specialistet e Sektorit të Pastrimit të Parasë dhe Aseteve. Ndërkaq, 69 praktika të Europolit janë trajtuar nga specialiste e Sektorit për Krimin Ekonomik e Financiare. 140 praktika për informacion të ardhura nga Europoli dhe të ndjekura nga specialistet e Sektorit të Pastrimit të Parasë dhe Aseteve.

Më tej Ministria raporton se me rrjetin e zyrave per gjetjen e rikuperimin e aseteve kriminale CARIN janë shkëmbyer informacion në 22 praktika; ndërsa Me INTERFORCEN janë shkëmbyer informacion në 5 praktika.

“Policia e Shtetit, sipas marrëveshjeve bashkëpunon me “EUROPOL, “INTERPOL”, Oficer Ndërlidhës (Kontakti), të Policisë Shqiptare, të atashuar në vende jashtë shtetit, si dhe me Oficer Ndërlidhës (Kontakti) të vendeve të atashuar në Shqipëri, CARIN, SELEK, BAMIN, INTERFORCË, etj, si dhe mbi bazën e marrëveshjeve dypalëshe me shtete të tjera. 247 praktika të Interpolit, nga Sektori për Krimin Ekonomik e Financiare”, raporton Ministria e Drejtësisë, por pa dhënë detaje mbi fatin e dosjeve.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.