Pastrimi i Shqipërisë – Klosi: Subjektet që hedhin mbetjet në mjedis do të goditen nga ligji
Të gjithë subjektet që hedhin mbetjet në mjedis do të goditen nga forca e ligjit. Kështu është shprehur ministrit i Turizmit dhe Mjedisit, Blendi Klosi në një deklaratë për mediat gjatë prezantimit të rezultateve të deritanishme në kuadër të pastrimit të Shqipërisë.
“Ligji është ai që do të garantojë një Shqipëri të Pastër. Për të gjithë ata që hedhin mbetjet në mjedis, kjo do të jetë goditja më e madhe që do të ndodhë nga ligji”.
Sipas Klosit, aksioni vullnetar i pastrimit të lumenjve i ndërmarrë nga data 6 deri në 12 prill është edhe më i madhi i bërë ndonjëherë në Shqipëri.
Duke un ndalur më tej te pjesëmarrja, ministri shtoi se morën pjesë më shumë se 20 mijë njerëz.
“Morën pjesë 20 740 forca njerëzore për pastrimin e 155 segmenteve lumore, bregdetare. Ishte një angazhim i paparë i kryetarëve të bashkive të vendit, nxënësve, aktivistëve.”
Ndërkohë, shtoi më tej se po punohet për parandalim e tre problematikave kryesore në kuadër të nisjes së sezonit turistik, që përfshijnë edhe:
Mbylljen e subjekteve që nuk janë pajisur me leje mjedisore
Plan masash për çdo landfill (për ata ekzistues dhe ata që do të ndërtohen), që sipas tij nuk duhet të jenë pranë shtratit të lumenjve
Parandalimin e zhurmave, problematikë për të cilën ministri tha se do të ndiqet çdo ditë.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.