“Pastrimi” operacion afatgjatë, Rama: Sezoni i ardhshëm turistik, më i pastërti që kemi pasur
Sezoni i ardhshëm turistik, do jetë sezoni më i pastër që kemi pasur ndonjëherë”, deklaroi kryeministri Rama, ndërsa theksoi se aksioni për pastrimin e Shqipërisë do të kthehet në një operacion afatgjatë.
“Sot kemi situatë dramatike në të gjithë territorin, në të gjitha aspektet e ndotjes që prek trupin e vendit dhe njeriut pa mëshire, si rezultat i mosmarrjes së përgjegjshmërisë. Në shifrat zyrtare një individ gjeneron 400 kg mbetje në vit, vetëm 40 shkon për riciklim, pjesa tjetër nuk dihet ku shkon. Në 10 ditë janë fotografuar 9001 vende hedhjesh mbetje.”
Jemi shumë të vendosur për të përmbysur këtë situatë, aksioni do të kthehet në operacion, çdo ditë për 6 muaj, duke përdorur të gjitha mjetet e rrugët e komunikimit në çdo nivel, në mënyrë që Shqipëria turistike e vitit të ardhshëm të jetë më e lehtësuar nga këta ndotës. Do të ngremë organizma efikas, që pas 6 muaj Shqipëria të mos kthehet në të njëjtën gjendje. Sezoni i ardhshëm turistik, sezoni më i pastër që kemi pasur”.
Rama tha se në gjithë këto vite nuk kanë munguar nismat për mbrojtjen e mjedisit, por nuk janë zbatuar.
“Ka 7 strategji në këto vite për mjedisin, 23 ligje për mbrojtjen e mjedisit. 20 rekomandime, rishikimi kombëtare ndërkombëtare. 100 vendime qeverie, 20 udhëzime, 5 rregullore. Për të gjitha këto nisma ne duhet të ishim ndër vendet e para në Europë, por në realitet në jemi në vendet e fundit në Europë sa i përket zbatimit të ligjit. 1 mijë leje mjedisore që janë lëshuar pa kriter e pa karar, duke mos u bërë asgjë për monitorimin e zbatimit të tyre”.
Aksioni ka nevojë për bashkëpunëtor, organizma dhe reforma rrënjësore, deklaroi kryeministri.
“Bukurinë që na ka falur natyra duhet ruajtur nga të gjithë si një aset. Fatkeqësisht është abuzuar e përdhunuar me këtë trup të bukur të Shqipërisë, duke u kthyer në një dëm të drejtpërdrejt në shëndetin e njerëzve.
Për këtë aksion duhen bashkëpunëtorë, edukim, të përshijmë fëmijët, të cilët janë avokatët më të mirë për mjedisin. Këtu kërkohet edhe një reformë, ne e kemi nisur reformën e inspektorateve, brenda 6 muaj në do të transformojmë kulturën e mënyrën e inspektimit, inspektimi do ti kalojë policisë së shtetit. Duke përfshirë drejtpërdrejt policinë e shtetit në këtë aksion, situata do të ndryshojë rrënjësisht, siç ndryshojë më ndërtimet pa leje”.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.