Pasuritë e Gjyqtarëve e Prokurorëve – Dosjet voluminoze, Komisionet e Vetting-ut kërkojnë ekspertë shtesë
Për shkak të volumit të madh të punës për zbardhjen e pasurive e llogarive financiare të gjyqtarëve e Prokurorëve, Komisionet e Vetting-ut kanë kërkuar shtesë të ekspertëve ekonomikë.
E pranishme në Komisionin Parlamentar të Ligjeve, Kreu i Komisionit të Pavarur të Kualifikimit, Genta Bungo kërkoi emërimin e 8 këshilltarëve të tjerë ekonomikë, duke qenë se 4 këshilltarët aktualë e kanë të pamundur të garantojnë në kohë analizën e pasurive të magjistratëve.
Kërkesë të ngjashme paraqiti edhe Kolegji i Posaçëm i Apelimit.
Komisioni i Pavarur i Kualifikimi kërkoi në total 15 punonjës të rinj, nga 50 që numëron aktualisht.
Ndërkohë që Kolegji i Posaçëm i apelimit kërkoi një shtesë prej 10 punonjësish këtë vit, dhe 5 të rinj në 2019.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.