Paundi Britanik bie në nivelin më të ulët në 2 vitet e fundit pasi Boris Johnson ‘kërcënoi’ me zgjedhje të përgjithshme

Paundi britanik ra në nivelin e tij më të ulët në dy vjet, pasi kryeministri Boris Johnson kërcënoi me zgjedhje të përgjithshme në tetor, duke shkaktuar frikë dhe kaos përsa i përket Brexit.

Monedha u ul me 0.62% ndaj dollarit amerikan në rreth 1.20 dollarë përpara një takimi vendimtar të Parlamentit këtë javë për të vendosur se si Britania e Madhe do largohet nga BE.

Nëse ligjvënësit britanikë votojnë për legjislacionin që synon të parandalojë që Britania e Madhe të largohet nga BE pa marrëveshje, Johnson tha se do të kërkojë zgjedhje të përgjithshme.

Kryeministri tha se në “asnjë rrethanë” nuk do t’i kërkonte BE-së një vonesë, duke shtuar “ne po largohemi më 31 tetor, me ose pa marrëveshje”.

Nebi Xhomaqi / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.