Paundi britanik ndjek zgjedhjet – Prek nivelin më të lartë në 7 muaj kundër dollarit
Paundi preku nivelin më të lartë në 7 muaj kundër dollarit, duke marrë nxitje nga optimizmi se zgjedhjet e përgjithshme këtë muaj do të sjellin një mazhorancë për partinë Konservatore të kryeministrit Boris Johnson. Paundi është rritur me 1.5% kundër dollarit në 3 ditët e fundit tregtare dhe të Enjten preku $1.3146, që është niveli më i lartë që prej muajit Maj.
Kundër euros, paundi mbeti i qëndrueshëm në 84.31 pens, që është niveli më i lartë që prej mesit të 2017-ës. Sipas analistëve, një numër i madh i tregtarëve po heqin bastet negative ndaj valutës. Sipas të dhënave të Komisionit të Tregtimit të Lëndëve të Para, pozicionet për shitje të paundit kanë rënë në mënyrë të qëndrueshme që prej fillimit të Gushtit.
Tregtarët e valutave thonë se partia Konservatore do të jetë më pak e dëmshme për ekonominë britanike se sa qeveria laburiste. Ndërkohë që më pak se një javë ka mbetur përpara zgjedhjeve të përgjithshme, sondazhet tregojnë se partia Konservatore ka ruajtur një avantazh prej 10% ndaj laburistëve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.