Paundi prek 1.4 dollarë, hera e parë në 3 vite. Ndikon punësimi i dobët në SHBA

Paundi britanik preku 1.4 kundër dollarit amerikan në sesionin e fundit tregtar të kësaj jave, që është hera e parë që prej Prillit 2018.  Dollari ka qenë nën presion për shkak të të dhënave të dobëta mbi tregun e punës në Shtetet e Bashkuara, ndërkohë që paundi po reagon pozitivisht ndaj programit të suksesshëm të vaksinimit në Britani.  Mbretëria e Bashkuar pa pësuar rënien më të madhe ekonomike në 300 vite gjatë 2020, por programi i shpejtë i vaksinimit ka bërë që mbi 16 milionë njerëz të marrin dozën e parë të vaksinës së koronavirusit, duke ofruar shpresë për fundin e pandemisë.   Paundi u rrit në 1.4009 dollarë, duke u tërhequr lehtë gjatë sesionit tregtar.

Sterlina ka shtuar 1.3% kundër dollarit nga niveli më i ulët i kësaj jave,  me rritjen më të madhe që erdhi pas raportit të dobët të punësimit në SHBA.   Nga ana tjetër, në britani, të dhënat mbi aktivitetin e manifakturës dhe shërbimeve treguan rritje në muajin Shkurt.  Kryeministri Boris Johnson pritet të përditësojë planin qerveritar për luftën kundër pandemisë javën e ardhshme, ç’ka mund të përfshijë një lehtësim tëvogël të masave të karantinës.   Analistët thonë se sterlina po reagon mirë ndaj 2 fakorëve të brendshëm. Fillimisht, shtrimet në spitale dhe vdekjet nga Covid-19 kanë rënë, duke rritur shpreson e hapjes së ekonomisë në të ardhmen e afërt. Së dyti, tregjet po përshtaten me faktin që Banka e Anglisë pritet të vendosë norma negative të interesit, ç’ka do të ngushtojë diferencialiun e yieldeve 10-vjeçare britanik dhe amerikan.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.