Paypal pritet të blejë Pinterest – Gjiganti i pagesave do të ofrojë 45 mld USD. Sinjalizon shkrirje mes sektorëve

Paypal ka bërë një ofertë për të blerë Pinterest për 45 miliardë dollarë, sipas burimeve me njohuri mbi çështjen, një kombinim që mund të sinjalizojë më shumë shkrirje mes kompanive të teknologjisë financiare dhe atyre të mediave sociale, në tregtinë në rrjet. Çmimi për aksion do përfaqsojë një prim prej 26% të vlerës në bursë të Pinterest ditën e Martë,  prej 55.58 dollarë për aksion. Paypal planifikon të financojë blerjen kryesisht përmes aksioneve, sipas burimeve.

Gjiganti i pagesave ishte ndër fituesit më të mëdhenj gjatë pandemisë, pasi më shumë njerëz kanë përdorur shërbimet për të blerë në rrjet dhe paguar faturat,  për të shmangur daljen nga shtëpia. Pandemia ka rritur në 12 muajt e fundit aksionet e kompanisë me rreth 36%, duke e çuar vlerën totale në treg në pranë 320 miliardë dollarë.

Aksionet e PayPal ranë me 3.5% pas lajmërimit, ndërsa Pinterest u rrit me mbi 10%, në 61.55 dollarë.  Aksionet e Pinterest, që ishin rritur me mbi 13% më herët gajtë ditës, çka detyruan ndalimin e tregtisë përkohësisht,  kanë humbur mbi 16% të vlerës këtë vit. Paypal me seli në Kaliforni dhe Pinterst, nuk u përgjigjën ndaj pyetjeve të Reuters dhe burimet qëndruan anonim.

Lajmet e marrëveshjes erdhën 1 javë pasi themeluesi i Pitnerest, Evan Sharp, lajmëroi planet për t’u larguar nga kompania, për t’iu bashkuar LoveFrom, një firmë e drejtuar nga Jony Ive, diezenjuesi i shumë produkteve ikonë të Apple.   Në vitet e fundit, Paypal ka shfaqur ambicie që të rrisë gjurmët në tregtinë në rrjet përmes një serë blerjesh, përfshirë marrëveshjen prej 4 mld dollarë për të blerë gjetësn në rrejt të kuponave Honey Science në vitin 2019 dhe 2.7 mld USD për të blerë firmën japoneze Paidy që ofron shërbime blej tani paguaj më vonë.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.