“Pazar” me Bitcoin – E premtja e zezë shton 100 mijë përdorues, valuta arrin në  $8,700

Bitcoin ka marrë nxitje nga e premtja e zezë. Valuta dixhitale theu nivelin e 8,700 dollarëve ditën e Shtunë,  duke ndjekur interesin e investitorëve ndaj ditës së Falënderimeve dhe të Premtes së zezë në Shtetet e Bashkuara. Bitcoin u rrit me më shumë se 6% në një rekord prej 8,725 dollarë, tregojnë të dhënat e CoinDesk.

Edhe valuta tjetër rivale, ethereum, shënoi nivelin më të lartë të të gjitha kohërave prej 485.18 dollarë.  Sipas analistëve, lëvizjet janë lidhur me shitësit me pakicë.  Këmbyesi më i madh i Bitcoin në SHBA, Coinbase, shtoi rreth 100,000 llogari nga dita e Mërkurë në të Premten, në një total prej 13.1 milionë.

Bitcoin është 8-fishuar këtë vit në vlerë prej interesit në rritje të investitorëve institucionalë. Bursa më e madhe në botë e kontratave futures, CME, po planifikon të listojë kontrata “futures” të Bitcoin, në javën e dytë të Dhjetorit.

Lançimi i produktit derivativ për valutën dixhitale do t’i japë një shtysë tjetër bitcoin, për t’u kthyer në një aktiv legjitim.  Volumi tregtar në dollarë amerikanë përbën për 24% të totalit për Bitcoin. Jeni japonez ka pjesën më të madhe në 59%, ndërsa valuta e Koresë së Jugut përbën për 10%.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.