“Pazar” me drejtësinë – Arabia Saudite, pakt me të akuzuarit për korrupsion, do fitojë $100 mld
Autoritetet saudite shpresojnë që të rikuperojnë rreth 100 miliardë dollarë nga negociatat me të dyshuarit e arrestuar tashmë, të një skeme gjigante korrupsioni. Skandali në fjalë, çoi në arrestimin e dhjetëra zyrtarëve të lartë, madje edhe nga vetë familja mbretërore.
Të arrestuar janë jo vetëm princa, por edhe miliarderë ndër më të mëdhenjtë në të gjithë botën. Të dyshuarve do t`i ofrohet një pakt në vlerë monetare në mënyrë që të shmangin gjyqin. Nëse do të pranojnë, bisedimet do të vijojnë nëpërmjet një komiteti të posaçëm që do të negociojë detajet.
Shuma që autoritetet pritet të grumbullojnë, pra rreth 100 miliardë euro, është thuajse e njëjtë me atë që drejtësia beson se këta njerëz kanë përfituar në mënyrë të paligjshme, dhe jo e gjithë pasuria e tyre, që e tejkalon bindshëm shifrën e 100 miliardë dollarëve. Qeveria saudite ka siguruar investitorët e huaj se ata nuk do të preken nga vala e re luftës ndaj korrupsionit.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.