Pazar për të mbledhur fonde për kafshët – Vullnetarët mbështesin me punime artizanale si dhurata për fundvit
Festat e fundvitit, krahas një moment gëzimi, për të shumtë është edhe një kohë për të menduar për më të pafatët. Këtë vit, një nga organizatat vullnetare që merren me mbrojtjen e kafshëve, ka vendosur të organizojë një Pazar të veçantë.
Animal Rescue Albania, ditën e shtunë në orën 18:00, do të zhvillojë eventin për mbledhjen e fondeve në mbështetje të miqve të tyre me katër këmbë. Kushdo që do të mbështesë kauzën, apo thjesht do të bëjë një dhuratë për të afërmit e tyre, mund të blejë një nga punimet artizanale.
Mes objekteve ka shumë krijime të tilla të bëra me dorë, që kanë në fokus kryesisht kafshët dhe kujdesin për to, si edhe objekte të dhuruara nga vullnetarët dhe mbështetësit.
Fitimet nga ky Pazar do të shkojnë për të mbuluar shpenzimet për ushqim, strehim dhe përkujdesje. Për detajet e plota mund të vizitoni linkun e eventit në Facebook, duke klikuar këtu.
Angelo Haruni/SCAN
Braktisja e kafshëve, Organizatat: Krahas ligjit duhet sensibilizim – Për strehimin nevojitet shtimi i kapaciteteve grumbulluese dhe fondeve
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.