Peleshi në Fier: Dëme të konsiderueshme në sera
Ministri i Bujqësisë dhe Zhvillimit Rural Niko Peleshi ka monitoruar situatën në fshatin Kafaraj në Fier së bashku me banorët e zonës. Nëpërmjet një postimi në profilin e tij në Facebook, Peleshi tha se në këtë zonë ka pasur dëme të konsiderueshme në sera.
Ndërkohë, ka theksuar se jemi në një gjendje të jashtëzakonshme prurjesh nga lumi i Vjosës.
“Me banorët e fshatit Kafaraj në Fier, ku kemi dëme të konsiderueshme në sera. Të gjitha mjetet dhe butimet njerëzore të Drejtorive të Kullimit janë në punë për të evituar sa më tepër dëmet. Jemi në një situatë të jashtëzakonshme prurjesh nga lumi i Vjosës,” shkruan Peleshi.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.