Pemët e Krishtlindjeve jo vetëm për syrin – Përfitimet që sjellin për shëndetin mendor
Dikur pema e Krishtlindjeve nuk ishte si kjo që gati të gjithë përdorin sot. Jo nga forma, por nga fakti se dikur pemët e Krishtlindjeve ishin pemë të mbjella dhe të vërteta dhe jo industriale. E ndërsa gati gjithçka ka ndryshuar me kohën,mund të themi se ata që ende mbajnë një bredh të vërtetë në shtëpinë e tyre,po i bëjnë vetes një të mirë të madhe.
E megjithatë nëse shohim një bredh sidoqofte ai, patjetër që do të jetë sinonimi më i mirë i festave të fundvitit. Pëpara se t’ju njohim me të mirat që me siguri nuk i keni menduar më parë për bredhin, ju njohim me histrorinë e pemës së shumëpritur të festave.
Sipas Encyclopaedia Britannica, tradita filloi në Gjermani në shekullin e 16-të dhe u përhap në vende të tjera gjatë tre shekujve të ardhshëm. Pema artificiale u shpik në Shtetet e Bashkuara, në vitet 1950 dhe 1960.
Pemët artificiale janë rritur në popullaritet për shkak të komoditetit dhe jetëgjatësisë së tyre, por ato nuk ofrojnë të njëjtat përfitime të shëndetit mendor ,si kalimi i kohës rreth pemëve të vërteta dhe kjo është e vërtertuar nga disa studime.
Ekspozimi ndaj një mjedisi natyror zvogëlon stresin psikologjik, sipas një studimi të vitit 2018 .
Studime të shumta kanë treguar se një shëtitje në pyll, mund të ketë një ndikim pozitiv në mirëqenien e një personi.
Njëkohësisht sipas të njëjtit studim larja në pyll reduktonte nivelet e kortizolit tek njerëzit, hormoni përgjegjës për stresin.
Të kesh një pemë të vërtetë Krishtlindjesh ka një bollëk përfitimesh për shëndetin mendor, duke përfshirë reduktimin e ankthit dhe depresionit, tha Charlie Hall, profesor dhe kryetar në departamentin e shkencave të kopshtarisë.
“Njerëzit priren të jenë të dhembshur në praninë e bimëve të gjalla në shtëpi, dhe sigurisht që pemët e Krishtlindjeve i përshtaten faturave,” tha Hall.
Nëse shkoni dhe zgjidhni pemën tuaj në një fermë me pemë Krishtlindjesh me njerëzit e dashur, atëherë përfitimet e shëndetit mendor janë edhe më të mëdha, tha ai. Zgjedhja e një peme me të tjerët promovon lidhjen dhe ju ekspozon në natyrë, gjë që rrit shëndetin tuaj psikologjik.
Por,nga ana tjetër edhe pemët artificiale përpos faktit që nuk janë reale,sjellin disa përfitime.
Pemët artificiale kanë bërë një rrugë të gjatë në dy dekadat e fundit, kështu që ato më realiste mund të ofrojnë disa nga përfitimet e shëndetit mendor që bën një pemë e vërtetë, tha Hall.
Megjithatë, njerëzit nuk do të jenë në gjendje të korrin përfitime të tjera që vetëm një pemë e vërtetë mund të sigurojë si përmirësimi i sistemit tuaj imunitar.
Pavarësisht se shumica e pemëve të Krishtlindjeve priten në trung kur hyjnë në shtëpitë tona, njerëzit ende mund të përfitojnë nga ato. Nëpërmjet fotosintezës, pemët prodhojnë oksigjen të freskët./CNN
VJOLA GREMI/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.