Pence mes “dy zjarreve” / Pranon të marrë pjesë në inaugurimin e Biden, por jo shkarkimin e Trump

Zëvendës presidenti Mike Pence do të marrë pjesë në inaugurimin e Presidentit të zgjedhur Joe Biden më 20 Janar, raportuan Washington Post dhe media të tjera të Shtunën në mbrëmje.

Vendimi vjen vetëm një ditë pasi Presidenti Donald Trump njoftoi se nuk do të merrte pjesë në inaugurim dhe tre ditë pas një rrethimi vdekjeprurës dhe të dhunshëm në Kapitolin e SHBA ndërpreu Pence ndërsa ai kryesonte çertifikimin e Kongresit për fitoren e Biden.

Një numër i atyre që morën pjesë në trazira kërcënuan drejtpërdrejt vetë Zv. Presidentit, duke thirrur vazhdimisht, “Mike Pence Duhet të varet!”.

Pence u përball me presion të madh nga Trump për të refuzuar fitoren e Biden gjatë certifikimit të Kongresit, dhe në vend të kësaj të shpallte Trump fitues.

Pence refuzoi, duke shpjeguar se besonte se ishte antikushtetuese që një Zv. President të vendoste në mënyrë të njëanshme rezultatet e zgjedhjeve të vitit 2020.

Pence gjithashtu, deri më tani, ka kundërshtuar thirrjet për të hequr Trump nga detyra përmes amendamentit të 25-të.

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.