Pensionet e emigrantëve në Kanada – Gati marrëveshja për bashkimin e sigurimeve, Denaj: Përfitojnë 70 mijë vetë

Rreth 70 mijë shtetas shqiptarë që jetojnë dhe punojnë në Kanada, do të mund të përfitojnë nga marrëveshja “Për mbrojtjen shoqërore”, e cila garanton bashkimin e periudhave të kontribuimit në skemën e sigurimeve shoqërore. Komisioni parlamentar i Shëndetësisë ka miratuar marrëveshjen, e cila ka nisur të negociohet mes 2 vendeve në vitin 2015.

Ndërkaq, më të vështira për t’u nënshkruar duken marrëveshjet e ngjashme me Italinë dhe Greqinë, ku numri i shqiptarëve që punojnë dhe jetojnë është më i lartë.

Aktualisht, vendi ynë ka marrëveshje të ngjashme me 12 vende. Ndërkohë që,hyrja në fuqi e marrëveshjes së nënshkruar me Kanadanë do të bëhet pas ratifikimit të saj nga parlamentet e 2 vendeve.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.