Pensionet me Italinë, apeli i ekspertes – Aliaj: Qeveria Shqiptare duhet të përgatisë në kohë marrëveshjen, ndryshe fondi digjet

Ndërsa Parlamenti Italian ka vendosur të miratojë një fond buxhetor për njohjen reciproke të viteve të punës për shtetasit shqiptarë, ky lajm shumë i mirë, do të zhbëhej nëse Qeveria jonë nuk do të ndërmerrte hapat e nevojshëm për të bërë të mundur nënshkrimin zyrtar të marrëveshjes.

Alarmi vjen nga Beskida Aliaj, Drejtoreshë e sindikatës Patronato INAS CISL Albania. Ajo thotë se nuk ka ende të dhëna konkrete për veprime institucionale nga ana e Qeverisë Shqiptare.

Vlerësohet se janë rreth 600-deri 700 mijë shqiptarë që do të përfitonin drejtpërdrejt nga njohja reciproke e pensioneve me Italinë, në një kohë që në mungesë të një marrëveshjeje të tillë, shumë prej tyre nuk janë në gjendje të përftojnë pension as në Shqipëri, as në Itali.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.