Për çfarë do paguhet më pak në 2020?- Nga rivlerësimi i pronës tek heqja e tatimit për kontratat e dhurimit!
Paketa fiskale tashmë e miratuar në komisionet parlamentare do të kalojë në seancë plenare janëvn e ardhshme, për t’i hapur më tej rrugën hyrjes në fuqi. Por cilat janë disa nga lehtësitë që do të aplikohen për qytetarët dhe bizneset gjatë vitit të ardhshëm?
Rivlerësimi banesave për ti sjellë ato nga vlera historike në vlerën reale të tregut me tatim fitim në masën 2 për qind është një nga lajmet pozitive të 2020-ës. Përfitues do të jenë 50 mijë pronar pasurish të paluajtshme, ndërsa për hërë të parë do të përfitojnë edhe ata që i kanë të pahipotekuara. Gjithashtu, edhe për shitjen e pronave përgjatë periudhës 1 Janar – 30 Gusht 2020, qytetarët do të pagujanë 2 për qind tatim midis çmimit të blerjes dhe atij të shitjes nga 15 për qind që është aktualisht.
Një tjetër lehtësi, është heqja e tatimit prej 15 për qind në rastet e dhurimit të pronave apo truallit bujqësor nga prindi tek fëmija apo ndërmjet bashkëshortëve. Ligji aktual kishte frenuar këtë segment të tregut, duke bërë që shumica e pasurive të liheshin me testament. Lëndët e para në import që do të përdoren nga subjektet për programin e rindërtimit do të jenë pa TVSH, si dhe nuk do të paguhet taksa e infratsrukturës për banesat që do të ndërtohen për këtë qëllim.
Po ashtu reduktim të shkallës së tatim fititmit do të ketë për industrinë automotive, në 5 për qind, një industri tërësisht e pazhvilluar në vendin tonë, si dhe është miratuar ulje të ngarkesës me taksa për automjetet luksoze.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.