“Përballja me pandeminë, shëndetësia në kolaps”, Basha: Duhet të ishin marrë parasysh 4 hapat e propozuar nga ne
Kryetari i Partisë Demokratike, Lulzim Basha deklaroi se vala e dytë e pandemisë e ka gjetur kryeministrin Edi Rama të papërgatitur për t’ju përgjigjur emergjencës shëndetësore. Basha në një deklaratë për mediat u shpreh se sistemi është në kolaps dhe se kjo sipas tij nuk mund të fshihet. Po ashtu ai kujtoi dhe 4 hapat e propozuar nga PD që sipas tij duhet të ishin marrë parasysh.
“Hapi i parë të çohet numri i testimeve në 2500 në ditë. Hap i dytë është që shqiptarëve të sëmurë të rimbursohen ilaçet e COVID. Mobilizimi total i sistemi përmes krijimit të kapaciteteve për tu përballur në çdo nivel. Bonusi për mjekët dhe infermierët, i premtuar dhe i papaguar.” – u shpreh kryetari i PD.
Basha u ndal te ekonomia duke u shprehur se buxheti i vitit 2021 nuk ka në fokus normalizimin e situatës por zyrat qeveritare
“Rënia e konsumit është treguesi më i mirë që po shtrihet dhe thellohet nga lagjet kryesore të kryeqytetit, tek qytetet e tjera dhe fshatrat e vendit tonë. 118 milionë euro për koncesionet dhe 28 milionë euro për rikonstruksione zyrash, automjete, paisje zyrash dhe kompjuterike. Kjo është shumë që del e tepron për paketën tonë për janar, shkurt dhe mars.”
Sipas kreut Demokrat me ardhjen en pushtet PD grabitja e parave do të ndalet dhe do të merren të gjitha masat për të luftuar pandeminë dhe masa për rritjen e ekonomisë.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.