Përditësimi i të dhënave edhe në 28 pika shërbimi – OSHEE: Harta do zgjerohet më të tjera qytete
Vijon procesi i përditësimit të të dhënave të abonentëve të Operatorit të Shpërndarjes së Energjisë Elektrike.
Sipas OSHEE ky proces po zhvillohet normalisht edhe në 28 pika të Kujdesit ndaj Klientit të cilat janë të shpërndara në qytetet Shkodër, Kukës, Durrës, Kavajë, Tiranë, Elbasan, Fushe Krujë, Fier, Patos, Lushnje, Berat, Gjirokastër dhe Sarandë.
Ndërkohë, në mënyrë që ky proces të mbyllet brenda afatit të përcaktuar, OSHEE njofton se harta e ofrimit të shërbimit do të zgjerohet edhe në qytete të tjera.
Për shkak të radhëve të gjata në sportele, OSHEE njoftoi disa ditë më parë edhe një shtyrje të afatit, duke iu dhënë kështu abonentëve më shumë kohë për përditësimin e të dhënave të tyre.
Ndërkohë, OSHEE njofton se të gjithë abonentët të cilët nuk do të përditësojnë këto të dhëna, do të përballen me ndërprerje të energjisë elektrike.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.