Përdorimi i telefonave në shkollë – Deputetët francezë votojnë ligjin e ri për ndalimin e tyre
Deputetët francezë votuan të enjten ligjin për ndalimin e përdorimit të celularëve në shkollat fillore dhe shkollat e mesme. Sipas masave të reja, ligji bën një përjashtim për telefonat e përdorur për ‘qëllime pedagogjike’ ose pajisjet e nevojshme për fëmijët me aftësi të kufizuara.
Sugjerimi i ligjit mbi ndalimin e përdorimin e telefonave në shkollat fillore dhe të mesme u miratua në një seancë publike. Pas votimit, ligji pritet të shkojë në Senat për miratim.
Ndalimi i celularëve në shkolla, një nga premtimet e fushatës së Macron, synon përmirësimin e përqendrimit të nxënësve si dhe parandalimin e sulmeve në internet. Ministri i arsimit, Jean-Michael Blnaques e quajti atë një ‘masë detoksifikimi’ për të luftuar shpërqendrimin dhe ngacmimin.
Nëse miratohet, ligji i ri do të nisë të zbatohet në fillimit të vitit të ardhshëm shkollor, në muajin shtator. Ndërkohë, kritikët u shprehën se do të jetë e vështirë të zbatohet pasi mësuesit nuk do të jenë në gjendje të mbajnë nën kontroll çdo nxënës.
Një studim i një agjencie franceze për rregullimin e telekomunikacionit(AECEP) tha se 93% e adoleshentëve të moshave 12 deri në 17 vjeç kishin në pronësi një celular në 2016, në krahasim me 72% që ishte në vitin 2005.
G.D/SCAN
Ministria e Arsimit ndalon përdorimin e telefonave në shkollë –Ja kur do të vihet në zbatim
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.