Përdornin pasaportën false të aktorit të njohur amerikan – Autoritetet bullgare ‘shkatërrojnë’ bandën kriminale

Autoritetet Bullgare kanë shkatërruar një bandë që falsifikonte dokumente dhe kartëmonedha duke i promovuar ato tek ‘klientët e mundshëm’ me anë të një pasaportë të rreme bullgare që mbante fotografinë e aktorit amerikan Sylvester Stallone.

Prokurorët të Premten akuzuan katër bullgarë që dyshohet se i përkisnin një unaze krimi të organizuar që bën dhe shpërndan dokumentet e rreme bullgare dhe kartëmonedha të falsifikuara të dollarit amerikan dhe euros në vendet e Ballkanit.

Të katër personat u arrestuan pas gjetjes së shtypshkronjave dhe pajisjeve për prodhimin e kartëmonedhave dhe dokumenteve të falsifikuara falë kërkimeve në 30 vende në të gjithë Bullgarinë në një operacion të përbashkët me Europol dhe Shërbimin Sekret të SHBA.

Gjatë një kontrolli në një apartament në qytetin jugor të Plovdiv, policia kapi sasi të mëdha të kartëmonedhave të rreme të euros dhe dollarit me cilësi të lartë, si dhe letërnjoftime dhe leje drejtimi false bullgare.

“Oficerët kanë sekuestruar gjithashtu një pasaportë bullgare me foton e një aktori të famshëm amerikan, e cila u përdor si një shembull për t’iu demonstruar klientëve cilësinë e lartë të prodhimit të tyre të falsifikimit,” thanë prokurorët në një deklaratë. (Reuters)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.