Përfaqësimi në zgjedhjet 2019 – OSBE: Të rrëzohen listat e partive që s’respektojnë kuotat
OSBE ka kërkuar rivendosjen e dispozitës ligjore që rrëzon listat e kandidatëve zgjedhorë të partive që nuk respektojnë kuotat gjinore. Ambasadori i OSBE në Tiranë Bernd Borchardt tha se gjobat për mosrespektim të kuotave të përcaktuara me ligj nuk kanë dhënë rezultatin e duhur për t’i detyruar partitë të kandidojnë numrin e duhur të grave në listat zgjedhore.
“Ne kemi rekomenduar rikthimin në Kodin Zgjedhor të dispozitës që mundëson rrëzimin e listave të partive që nuk respektojnë kuotat gjinore të përcaktuara me ligj. Gobitja e partive për mosrespektim të kuotave nuk jep efektin e duhur në detyrimin e partive në respektimin e kuotave gjinore. ashtu siç bën rrëzimi i listave. Partitë politike duhet të bëjnë më shumë për të garantuar në mënyrë të drejtë pjesëmarrjen e grave në përzgjedhjen e kandidateve brenda partive.”
Deklaratat e Borchardt u bënë gjatë një eventi mbi pengesat që hasin gratë nga pjesëmarrja në politike, e organizuar nga OKB dhe Kuvendi i Shqipërisë.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.